Leamaš hui somá álgit ođđa bargui ja ásaiduvvat Torontoi - dievva čeahpes, ustitlaš ja veahkkás bargoskihpárat. Jos jearat juoidá, oaččot čielga vástádusaid ja vuđolaš čilgehusaid, ja veahkki boahtá dan seammás. Govas feaskkir ja ráhpat mu bargolatnjii.
Buresboahtin Eamiálbmotoahpuid prográmmii! Toronto universitehtas olbmot leat hárjánan juohkit dieđu, ii čiegadit dahje doallat dan alccesis danne vai nubbi ii oaččoše dan fápmobihtá mii (máhkaš) boahtá dieđu mielde. Dan leamaš hui buorre ja somá vásihit - albma kollegialitehta dahje bargoverddevuohta. Mus lea soahkemuorra kantuvrra uvssa olggobealde! Vaikko Eamiálbmotoahpuid prográmma lea hui smávva - mii leat nuppelogis - olbmot váldet eamiálbmogiid vieruid ja árvvuid duođas, ii dušše ságaid dásis. Vuorrasat ráhpet čoahkkimiid ja deaivvademiid, boldet bassi šattuid ja giitet eatnama válji, gudnejahttet sin geat leat bargan buori barggu.Gálbarihcci láhtis mu kantuvrra olggobealde muittuha ahte mii leat Gálbarihci sullos, mii lea báikkálaš eamiálbmogiid namma dán nannámii. Gálbarihcci lea dálkkodanrieggá siste. Dálkkodanriekkis (eaŋg. medicine wheel) lea árbevirolaččat leamaš eandalitge preeria intiánaid máilmmegova guovddáš symbola mii govvida gomuvuođa holismma, áššiid ja eallima osiid oktiigullevasvuođa ja syklálas (jorba) áigeáddejumi – dan ahte eallin nuppástuvvá oppá áigge. Dat lea jorbalas mii lea juhkkojuvvon njeallji oassái. Árbevirolaččat nummir njeallje leamaš bassi preeria intiánaide: dat govvida váldoalmmiguovlluid ja njealje jagiáiggi. Nummir njeallje mearkkašupmi boahtá ovdan maiddái das ahte eallimis leat njeallje beali: vuoiŋŋalaš, fysalaš, jierpmálaš ja emotionála. Dán dálu vuosttas gearddis lea ođđa ruoktu - ja bargobáigái lea dušše logenár minuhta vázzit!
Man somá go leat duhtavaš ođđa bargobáikkiin, ja somá oaidnit govaid universitehta birrasis. Buorre inspirašuvdnan midjiide go galgat hábmet Sámis alitoahpu sislanjaid. Buorre maid gullat ahte dovddat leat oasálažžan birrasis gos leat. Don orut geažideamen ahte it leat guhkit áigái dovdan ahte kollegat juogadit dieđuid. Mus lea buorre bargoskibir ja ustit gii lea min alo muittuhan ahte olmmoš ii galgga čorpmas doalahit buot, muhto árvvas leat sihke áiggi ja dieđuid dáfus, ja rabas gieđaid leat, dalle sáhttá juogadit. Dan lei son iežas eatnis oahppan. Dán son hui dávjá láve min muittuhit sihke go leat gáfestallamin, logaldallamin ja čájehemiin go min earáid ustitlaččat rávve ja cuoggoda. Lean hui ollu sus oahppan, seamma go eará ge kollegain. Muhto, nugo diehtit eallin lea ivdnái ja olbmot leat iešguđet láganat, ja muhtumat navdet ahte earát galget sus dušše “oahppat”, ja eai nagot vuostáiváldit eará jurddašeami, earát leat jávoheamit, earát fas árvasat ja diđolaččat. Dieppe orrot buohkat leat ustitlaččat, diđolaččat, veahkkái ja jurddašeaddji. Albma niehkobargosadji.
rauna says:
Giitu Gunvor dáid sániid ovddas. Du sánit álo liggejit mu váimmu – dál ja maiddái ja eandalitge dalle go mu bargodilli Sámis ii lean nu buorre mannan dálvve. Jos mun sáhtášin válljet Sámis olbmuid buktit deike (!) alccesan kollegan, don livččet sihkkarit dan listtus!!! Mu sávaldat lea ahte sáhtán joatkit ovttasbarggu iežan kollegaiguin Sámis dego don.
Man somá go leat duhtavaš ođđa bargobáikkiin, ja somá oaidnit govaid universitehta birrasis. Buorre inspirašuvdnan midjiide go galgat hábmet Sámis alitoahpu sislanjaid. Buorre maid gullat ahte dovddat leat oasálažžan birrasis gos leat. Don orut geažideamen ahte it leat guhkit áigái dovdan ahte kollegat juogadit dieđuid. Mus lea buorre bargoskibir ja ustit gii lea min alo muittuhan ahte olmmoš ii galgga čorpmas doalahit buot, muhto árvvas leat sihke áiggi ja dieđuid dáfus, ja rabas gieđaid leat, dalle sáhttá juogadit. Dan lei son iežas eatnis oahppan. Dán son hui dávjá láve min muittuhit sihke go leat gáfestallamin, logaldallamin ja čájehemiin go min earáid ustitlaččat rávve ja cuoggoda. Lean hui ollu sus oahppan, seamma go eará ge kollegain. Muhto, nugo diehtit eallin lea ivdnái ja olbmot leat iešguđet láganat, ja muhtumat navdet ahte earát galget sus dušše “oahppat”, ja eai nagot vuostáiváldit eará jurddašeami, earát leat jávoheamit, earát fas árvasat ja diđolaččat. Dieppe orrot buohkat leat ustitlaččat, diđolaččat, veahkkái ja jurddašeaddji. Albma niehkobargosadji.
Giitu Gunvor dáid sániid ovddas. Du sánit álo liggejit mu váimmu – dál ja maiddái ja eandalitge dalle go mu bargodilli Sámis ii lean nu buorre mannan dálvve. Jos mun sáhtášin válljet Sámis olbmuid buktit deike (!) alccesan kollegan, don livččet sihkkarit dan listtus!!! Mu sávaldat lea ahte sáhtán joatkit ovttasbarggu iežan kollegaiguin Sámis dego don.